२०८१ आषाढ ७, शुक्रबार

माओवादी केन्द्रं येँ जनप्रदर्शन याइगु

लहनान्युज | कौलागा तृतिया ११४४, कार्तिक १४ मंगलवाः

सत्तारुढ दल नेकपा माओवादी केन्द्रं येँ जनप्रदर्शन याइगु जूगु दु। माओवादी अध्यक्ष लिसे प्रधानमन्त्री पुष्पकमल दाहाल ‘प्रचण्ड’ या अध्यक्षताय् च्वंगु बैठकं सतक आन्दोलन यायेगु निर्णय याःगु दु।

अध्यक्ष प्रचण्ड व महासचिव देव गुरुङया ल्हाःचिं तया पिहावःगु खुुगु बुँदे सर्कुलरय् संघीय लोकतान्त्रिक गणतन्त्रया रक्षा लिसे सुदृढीकरण, राष्ट्रिय स्वाधीनताया रक्षा व प्रतिगमनया विरोधयात कया जनप्रदर्शन यायेगु निर्णय याःगु धका उल्लेख याःगु दु।

सर्कुलरय् धाःगु दु, ‘अभियानया झ्वलय् पार्टीया बागमती प्रदेश, जबस सम्बद्ध स्वनिगः विशेष प्रदेश व स्वनिगः सम्पर्क समन्वय प्रदेशया मंकाः ग्वसालय् थ्व हे मंसिर २२ गते येँ संघीय लोकतान्त्रिक गणतन्त्रया रक्षा लिसे सुदृढीकरण, राष्ट्रिय स्वाधीनताया रक्षा व प्रतिगमनया विरोधयात कया जनप्रदर्शन यायेगु व याकेगु निश्चित याःगु दु।’

Categorized in राजनीति