२०८१ बैशाख १०, सोमबार

एमालेया मोहनि व स्वन्ति लसताय् चियापान ज्याझ्वः

लहनान्युज | कौलागा चौथी ११४४, कार्तिक १५ बुधवाः

नेकपा एमालें थौं मोहनि, स्वन्ति व छठया लसताय् चियापान ज्याझ्वः याःगु दु। पार्टी कार्यालय च्यासलय् उगु ज्याझ्वलय् प्रमुख दलया नेतापिनिगु ब्बति दुगु दु।

उगु चियापानय् नेतापिन्त एमाले अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल, उपाध्यक्ष अष्टलक्ष्मी शाक्य, युवराज ज्ञवाली लगायतया नेतापिन्स लसकुस याःगु खः।

उगु झ्वलय् एमाले अध्यक्ष केपी शर्मा ओली, प्रधानमन्त्री पुष्पकमल दाहाल प्रचण्ड, नेपाली कांग्रेसया सभापति शेरबहादुर देउवा, राष्ट्रिय स्वतन्त्र पार्टीया अध्यक्ष रवि लामिछाने, नेपाल कम्युनिस्ट पार्टीया महासचिव नेत्रविक्रम चन्द विप्लव लगायतया शीर्ष नेतापिन्स छगु हे राउण्ड टेबलय् खनेदुगु खः।

Categorized in राजनीति