२०८१ आषाढ ३१, सोमबार

इङ्ल्यान्ड विश्व कपं पिहावनं

क्षितिज श्रेष्ठ | कौलागा अष्टमी ११४३, कार्तिक १९ आईतवाः

साविक विजेता इङ्ल्यान्ड भारतय् जुयाच्वंगु एकदिवसीय विश्व कपं पिहावंगु दु। अहमदाबादया नरेन्द्र मोदी स्टेडियमय् वंगु चान्ह्यः जुगु कासाय् अस्ट्रेलियानाप ३३ रनं बुइवं इङ्ल्यान्ड विश्व कपं पिहावःगु खः।

थ्व स्वया न्ह्यः बङ्लादेश न विश्व कपं पिहावने धुकुगु दु। टस बूया न्हापां ब्याटिङ याःगु अस्ट्रेलियां २ सय ८६ रन दयकूगु खः। २ सय ८७ रनया लक्ष्य ज्वना ब्याटिङ्ग याःगु इङ्ल्यान्ड ४८ ओभर १ बलय् २ सय ५३ रनय् अलआउट जूगु खः।

इङ्ल्यान्ड न्ह्यगू कासाय् २ अङ्क जक दयकेफुगु खः। आः नेदरल्यान्ड्स व पाकिस्ताननाप निगु कासा जक म्हित्ये ल्यः दनिइ।

Categorized in कासा