२०८१ आषाढ ३१, सोमबार

विश्वकप क्रिकेट सेमिफाइनल समीकरण पूरा

लहनान्युज | कौलागा चतुर्दशी ११४३, कार्तिक २६ आईतवाः

आईसीसी एकदिवसीय विश्वकप क्रिकेट सेमिफाइनल समीकरण पूरा जूगु दु। घरेलु टोली भारत, दक्षिण अफ्रिका, अस्ट्रेलिया व न्युजिल्याण्ड प्यंगु थासय् थ्यःगु दु।

म्हिगःया कासाय् पाकिस्तान इंग्ल्याण्डनापं बुइवं न्युजिल्याण्ड सेमिफाइनलय् थ्यःगु खः। सेमिफाइनलया अंकतालिकाय् शीर्ष स्थानय् भारत व न्युजिल्याण्ड, दक्षिण अफ्रिका व अस्ट्रेलिया दथुइ आः मेगु कासाय् प्रतिस्पर्धा जुइगु दु।

न्हापागु सेमिफाइनल नोभेम्बर १५ तारिखय् वान्खडेय् व निगुगु सेमिफाइनलया कासा इडेन गार्डेन स्टेडियमय् नोभेम्बर १६ तारिखय् जुइ। निगुलि कासा नेपाःया ई कथं सवा २ बजेनिसे जुइगु दु।

विश्वकप क्रिकेट समूह चरणया लिपागु कासा थौं भारत व नेदर्ल्याण्ड दथुइ जुइ।

Categorized in कासा