आईसीसी एकदिवसीय विश्वकप क्रिकेटया थौं जुगु निगुगु सेमिफाइनलय् अस्ट्रेलिया व दक्षिण अफ्रिका दथुइ जुगु दु।

उगु कासाय् दक्षिण अफ्रिकां टस त्याकूगु दु। कोलकाताया इडेन गार्डेन्सय् टस त्याका दक्षिण अफ्रिकाया कप्तान तेम्बा बभुमां न्हापां ब्याटिङ यायेगु निर्णय याःगु दु।

वाः वइगु सम्भावना दुगु कारण टसया भूमिकायात महत्त्वपूर्ण माने याःगु दु। थुगु विश्वकप कोलकाताय् जुगु प्यंगु कासाय् न्हापां ब्याटिङ्ग यापि स्वक्वः व न्हापां बलिङ याःगु टिमं छकः त्याकूगु दु।

अस्ट्रेलिया न्ह्य्यक्वः तक फाइनल थ्यःगुलि न्याक्वः त्याकूगु दु सा दक्षिण अफ्रिका आःतक फाइनलय् थ्यके मफुनि। थौंया कासा सू त्यातं उगु टिम फाइनलय् भारतनाप म्हितिइगु जुइ।

Categorized in कासा