२०८० मङ्सिर २०, बुधबार

अस्ट्रेलिया विश्वकप क्रिकेटया फाइनलय्

क्षितिज श्रेष्ठ | कछलाथ्व चौथी ११४४, मंसीर १ शुक्रवाः

दक्षिण अफ्रिकायात बूकां अस्ट्रेलिया च्याक्वःगु पटक आईसीसी एकदिवसीय विश्वकप क्रिकेटया फाइनलय् थ्यःगु दु।

म्हिगः चान्ह्यः जूगु सेमिफाइनल कासाय् अस्ट्रेलियां दक्षिण अफ्रिकायात स्वंगू विकेटं बूकुगु खः। दक्षिण अफ्रिकां न्हापां ब्याटिङ्गयासे २ सय १३ रनया लक्ष्य अस्ट्रेलियां ४७ ओभर २ बलय् ७ विकेट गुमेयाना पूरा याःगु खः।

अस्ट्रेलियाया ट्राभिस हेडं दकलय् अप्पो ६२ रन दयकूगु खः। बलिङय् दक्षिण अफ्रिकाया गेराल्ड कोट्जी व तबरेज शाम्सीं निगु निगु विकेट काःगु खः। कोलकाताया इडेन गार्डेनय् टस त्याकां न्हापां ब्याटिङ याःगु दक्षिण अफ्रिका ४९ ओभर ४ बलय् २ सय १२ रनय् अलआउट जूगु खः। दक्षिण अफ्रिकाया डेभिड मिलरं शतक दयकूगु खः।

१ सय १६ बलय् १ सय १ रन दयका आउट जूगु खः। अथेहे हेनरिच क्लासेनं ४७ रन दयकूगु खः। बलिङय् अस्ट्रेलियाया मिचेल स्टार्क व प्याट कमिन्सं स्वंगू स्वंगू विकेट काःगु खः।

Categorized in कासा