२०८० फाल्गुण १२, शनिबार

‘छंगु म्हगः गुलि बांलाः’ म्येया भिडिओ प्रिमियर

लहनान्युज | कछलाथ्व चतुर्दशी ११४४, मंसीर १० आईतवाः

नेपाल सम्बत् न्हूदँया लसताय् ‘छंगु म्हगः गुलि बांलाः’ म्येया भिडिओ प्रिमियर जूगु दु। वरिष्ठ गायक जुजुकाजी रञ्जितया ‘छंगु म्हगः गुलि बांलाः’ म्येया भिजुअल यूट्यूबय् प्रिमियर जुगु खः।

उगु म्ये नीन्यादँ न्ह्यः एफ. एम. रेडियोय् यक्व थ्वयेधुंकगु खः । लोकलसय् प्याखं हुलेत छिंगु ताल जूगुलिं उबलय् दबुली थ्व म्येय् प्याखं हुलेगु याः । आः वयाः कथानक भिजुअलनापं यूट्यूबय् स्वये दुगु जुल ।

अर्गानिक कथंया क्लासिकल प्रेमबाखं दुगु थ्व म्येया भिजुअल स्वनिगःया रमणीय ग्रामीण परिदृश्य दुगु खोकनाय् छायाङ्कन जूगु खः । नकतिनि ल्यासे ल्याय्म्ह जुइगु बखतय् निर्दोष कथंया यःत्यः जुइगु मतिनाया बाखं थुकी दु । भिजुअल सलल बाः वं ।

मुख्य भूमिकाय् दुपिं राष्ट्रिका शाक्य व सुदीप भजूया अभिनय सहज स्वाभाविक जू । मेपिं कलाकारपिनि अभिनय नं उलि हे बांलाः । मगन इन्टरटेन्मेन्टं दयेकूगु थुगु भिडियोया निर्देशक रजिन महर्जन खः ।

Categorized in मनोरन्जन