शेयर बजाः थौं मङ्गलवाः न कुहावःगु दु। शेयर बजाः परिसूचक नेप्से थौं २ दशमलव १७ अङ्कं कुहावया १ हजार ८ सय ९४ दशमलव ५३ विन्दुइ कुहावःगु खः।

थौं फाइनान्स, होटल पर्यटन, जलविद्युत्, उत्पादन नाप प्रशोधन व म्युचल फन्ड समूहया शेयर सामान्य थहावंगु दु । मेमेगु समूहया शेयर कुहवंसा थौं दकलय् अप्पो नारायणी विकास बैंकया शेयर झन्डै साढे ५ प्रतिशतं कुहावःगु दु।

समग्र बजाः कुहावःगु दिं लकलय् अप्पो बुद्धभूमि जलविद्युत् कम्पनीया शेयर १० प्रतिशत व मेन्छियाम जलविद्युतया शेयर झन्डै ९ प्रतिशत स्वया अप्पो थहावःगु दु।

थौं ४७ लाख २७ हजार कित्ता शेयर १ अर्ब २८ करोड रुपैयाँया कारोबार जूगु दु। दकलय् अप्पो सोनापुर मिनरल्स एन्ड आयल कम्पनीया ८ करोड ४९ लाख रुपैयाँया शेयर किनबेच जूगु दु।

Categorized in राष्ट्रिय