नेकपा एमालेया अध्यक्ष केपी शर्मा ओलीं हाकनं रैती जुइत थःपि तयार मदु धका धाःगु दु।

झुलाघाट–चिवाभञ्ज्याङ समृद्धिया लागि संकल्प यात्राया न्हापागु दिं बैतडीया गोठालापानीइ जूगु आमसभायात सम्बोधनयासे ओलीं सरकार कमजोर जुगुलि प्रतिगामी शक्ति तय्स छ्यं ल्ह्वना वःगु धका धयादीगु खः।

गणतन्त्रया विरोध यायेगु दुस्साहसी ज्या जुगु धका धयादीसे ओली न्ह्यने धाःगु दु, ‘उगु इलय् राजतन्त्र दु, उगु राजतन्त्रया आः सालिक दय्का श्री ५ महाराजाधिराज धका च्वया तमासा यायेगु असंवैधानिक ज्या जुयाच्वंगु दु।’

एमाले अध्यक्ष ओलीं हाकन लिफः स्वया लिहावनेगु व रैती हजुइत थःपि तयार मदु धका धयादीगु खः ।

Categorized in राष्ट्रिय