२०८० फाल्गुण १२, शनिबार

थौं विश्व एड्स दिवस

लहनान्युज | कछलागा चौथी ११४४, मंसीर १५ शुक्रवाः

थौं ३६ क्वःगु विश्व एड्स दिवस । ‘समुदायया नेतृत्वय् एड्सयात अन्त्य याये’ धइगु नारा ज्वना देय्न्यकं चेतनामूलक ज्याझ्वः यायेत्यःगु दु।

एचआईभी व एड्ससम्बन्धी प्रभावकारी रोकथाम, हेरचाह, ग्वहालि लिसे उपचार सेवाया लागि विश्वव्यापी ध्यानाकर्षण यायेगु जनचेतना हयेगु निति दँय् दँसं डिसेम्बर १ तारिखय् थुगु दिवस हनिइगु याइ। स्वास्थ्य लिसे जनसङ्ख्या मन्त्रालय अन्तर्गतया राष्ट्रिय एड्स लिसे यौन रोग नियन्त्रण केन्द्रं दिवसया लसताय् थीथी चेतना व सन्देशमूलक ज्याझ्वः यायेत्यःगु दु।

केन्द्रया कथं नेपालय् सन् २०२२ या लिपां तक ३० हजार मनू तय्त एचआईभी सङ्क्रमण जुगु अनुमान दु। सन् १९८१ य् न्हापां एचआईभी सङ्क्रमित लुइवं सन् २०२२ या अन्त्य तक हलियकं ८ करोड ५६ लाख म्हेसित सङ्क्रमण जुइ धुकुगु दु।

सङ्क्रमणया कारण ४ करोड ४ लाख म्हेसियागु ज्यान वने धुकुगु तथ्याङ्कय् दु । हलिमयय् न्हिन्हि ३ हजार ६ सय मनूत एचआईभी सङ्क्रमित जुयाच्वंगु दु।

Categorized in राष्ट्रिय