किपूया नांजाःम्ह कासामि लिसें न्हूपुस्ताया संगीतकःमि भुवन महर्जनया च्वसाय्, लय् व सः दुथ्याःगु ‘छंगु ई’ बोलया नेपालभाषाया मचा म्येया म्यूजिक भिडियोया प्रिमियर शो जुइगु जूगु दु ।

किपूया पांगाय् च्वंगु कीर्तिपुर सिनेप्लेक्स हलय् थ्व हे वइगु बालाचःह्रे सोमवाः उगु म्यूजिक भिडियो प्रिमियर शो जुइगु जानकारी संगीतकःमि भुवन महर्जनं बियादीगु दु ।

बागमती प्रदेशया पर्यटन संस्कृति उद्योगलिसें सहकारी मन्त्री पुकार महर्जनया ल्हाःतं उलेज्या जुइगु मचा म्ये ‘छंगु ई’या म्यूजिक भिडियोकिपूया संचारकःमि ललेन्द्र शाक्यलिसें फिल्मी राइटर राज महर्जनं निर्देशन यानादीगु दुसा विके जल्मीं छायांकन यानादीगु दु ।

अथेहे, समाः स्वस्तिका श्रेष्ठं यानादीगु दु । उगु म्यूजिक भिडियो नेवाः सुपरस्टार रुपेन श्रेष्ठ थक्वाःमिलिसें न्हूप्रतिभा कलाकार सलिना प्रजापति व मचा कलाकार श्रवण महर्जन रोमियों मू भूमिका म्हितातःगु दुसा म्यूजिक भिडियो मेमेपिं कलाकारपिनिगु नं अभिनय दुथ्यानाच्वंगु दु ।

म्यूजिक भिडियोया सम्पादन किपूया संकिपाकःमि रजिन महर्जनं यानादीगु दु । जिवित जल्मीं संगीत संयोजन यानादीगु उगु म्युजिक भिडीयोलय् सुरेन्द्र श्रेष्ठं रिकर्डिष्ट व मिक्सिङ यानादीगु खः।

Categorized in मनोरन्जन