नेवाः पत्रकार राष्ट्रिय दबू यल कचाःया दुजः नापं नेपाल टेलिभिजनया पत्रकार ईश्वर महर्जनयात “ललितपुर महानगर गौरव पुरस्कार” पाखे हंगु दु।

यल महानगरपालिकाया १०५ क्वःगु स्थापना दिवसया लसताय् पत्रकार महर्जनयात छगु लाख नगद नाप हनापौं बिया ज्याझ्वःया मूपाहाँ प्रधानमन्त्री पुष्पकमल दाहाल प्रचण्डं हंगु खः।

यल महानगरपालिकाया थीथी गतिविधि बारे प्रशारण नापं सूचना सम्प्रेषण याःगुलि महर्जनयात हंगु खः। महर्जन वंगु २४ दँनिसे नेपाल टेलिभिजनय् ज्या यानादीसे यलया सम्वाददाता कथं ज्या यानाच्वनादीगु खः।

Categorized in राष्ट्रिय