प्रोजेक्ट सारंगी फाउन्डेसन व सूर्य नेपाल प्रा.लिया व्यवसायिक, सामाजिक उत्तरदायित्व (सिआएस) दथुइ सहकार्यय् ’सूर्य नेपाल गाथा–सारंगीको कथा’ परम्परागत लोक वाद्य सारंगीया सांस्कृतिक सम्पदाया संरक्षण व सम्पद्र्धन यायेगु उद्देश्यं सञ्चालन यायेगु कथं स्वनिगः दुने न्ह्यगू नगरपालिकाया स्कूल, बृहत तालिम नाप थीथी ज्या याये धुकुगु खः।

उगु ज्याझ्वः कथं २०८० मंसिर ३० गते शनिवाः भण्डारखाल बगैंचा, पाटन संग्रहालय, मंगलबजारय् समापन ज्याझ्वलय् ७० म्ह सारंगी बिद्यार्थी तय्सं मंकाः कथं सास्कृतिक ज्याझ्वः न्ह्यब्बःगु खः। उगु ज्याझ्वलय् मूपाहाँ कथं बागमती प्रदेशया उद्योग बाणिज्य भुमि लिसे प्रशासन मन्त्री रामकृष्ण चित्रकारं छगु ज्याझ्वः दथुइ उलेज्या यानादीगु खः।

उगु ज्याझ्वलय् सारंगी फाउन्डेसनया संचालक सुजन बज्राचार्यं लसकुस यानादीगु खः।

Categorized in राष्ट्रिय