नेपाःया पत्रकारिता क्षेत्रया अग्रज सत्यनाराणबहादुर श्रेष्ठया लुमन्तिइ सत्यनारायणबहादुर स्मृति मिडिया कप फुटसल प्रतियोगिता सोमवाः जुइत्यंगु दु ।

नेवाः पत्रकार राष्ट्रिय दबू (एनएफएनजे) या ग्वसालय् आदर्श विद्या मन्दिर (एभिएम) ब्वनेकुथिया फट्सल मैदानय् कासा जुइतयंगु खः । उगु कासाय् नेवाः पत्रकार राष्ट्रिय दबू, नेपाल आदिवासी जनजाति पत्रकार महासंघ (फोनिज), कलाकार, एनएफएनजे येँ, एनएफएनजे यल, व एनएफएनज चितवनया ब्वति दइ ।

कासाया दथुइ मिसा पत्रकार र कालकार दथुइ मैत्रीकासा नं जुइ । खुगू टिमयात निगू समूहखेविभाजन याःगु दु । ए पुचलय् ग्वसाःखलः केन्द्र, यलया पत्रकार टिम व कलाकार अथेहे बी पुचलय् येँ व चितवनया पत्रकार टिम नापं फोनिज दुथ्याः । प्रत्येक पुचलं शीर्ष निगू टिम सेमिफाइनलय् थ्यनि । नेवाः पत्रकार राष्ट्रिय दबुलिं शिक्षाविद् नापं पत्रकार श्रेष्ठयात नेपाल पत्रकार महासंघया संस्थापक नायःया पहिचानया माग नापं हरेक दँय् थीथी ज्याझ्वः याना अभियान न्हयाका वयाच्वंगु दु । नेवाः पत्रकार राष्ट्रिय दबुलिं थुगु दँय् श्रेष्ठया १०८ क्वःगु जन्मोत्सव हनेगु झ्वलय् फुटसलया ग्वसाःग्वयेत्यंगु खः । श्रेष्ठया १०८ क्वःगु जन्मोत्सवया मू ज्याझ्वः पुस १३ गते जुइ ।

नेवाः पत्रकार राष्ट्रिय दबूया नायः नृपेन्द्रलाल श्रेष्ठया कथं २००८ सालय् नेपाल टुडेया सम्पादक श्रेष्ठं थःगु अध्यक्षताय् न्हापांगु खुसिइ नेपाल पत्रकार संघया गठन याःगु खः । २०१२ सालय् पत्रकारतय्गु मेगु बैठकं पूर्व प्रधानमन्त्री नापं नेपाल कंग्रेसया पूर्व सभापति वृmष्णप्रसाद भट्टराईया सभापतित्वय् नेपाल पत्रकार संघया पुनर्गठन याःगु खः । लिपा थ्वहे तथ्ययात आधार कया भट्टराईयात नेपाल पत्रकार महासंघया संस्थापक कथं कयावयाच्वंगु दु । थ्व विल्कुम गलत तथ्य स्थापित जूगु नायः श्रेष्ठया धापू दु ।

Categorized in कासा