नेपाल पत्रकार महासंघया संस्थापक अध्यक्ष सत्यनारायणबहादुर श्रेष्ठ प्रेस स्वतन्त्रता सेनानी पुरस्कार वरिष्ठ पत्रकार लक्की चौधरीयात लःल्हाइगु जुगु दु।

नेवाः पत्रकार राष्ट्रिय दबू न थौं बुधवाः च्वंगु सचिवालयया मुँजयां थुगु दँया थुगु सिरपा लःल्हाइगु जुगु दु धका दबूया अध्यक्ष नृपेन्द्रलाल श्रेष्ठं जानकारी बियादीगु दु। मदुम्ह श्रेष्ठया १ सय ८ क्वःगु जन्मजयन्तीया लसताय् थ्व हे शुक्रवाः छगु ज्याझ्वः दथुइ लःल्हाइगु जुगु दु । पत्रकार चौधरीयात हनापौ नापं नगद राशि २५ हजार रुपैयाँ लःल्हायेत्यःगु खः।

गृष्मबहादुर देवकोटां च्वयादीगु नेपाली छापाखानाया इतिहास नांया सफू वि.सं २००८ साल जेठ महिनाय् नेपाल पत्रकार संघ स्थापना यानादीया नेपाली पत्रकार तय्त न्हापागु पटक संगठित नेतृत्वयासे तत्कालीन नेपाल टुडेया सम्पादक मदुम्ह श्रेष्ठया नां दुथ्याका तःगु दु। २०१२ साल चैत्र १६ गते नेपाल पुकारया तत्कालीन सम्पादक नापं सन्त नेता मदुम्ह कृष्णप्रसाद भट्टराई उपाध्यायया नेतृत्वय् गठन जुगु नेपाल पत्रकार संघ २००८ सालय् गठन जुगु संघयात हे पुनःगठन जुक जुगु तर्क बियावया च्वंगु खः। २०१२ साल चैत्र १६ गते नेपाल पत्रकार संघ गठन जूगु आधारय् अध्यक्ष भट्टराईयात संस्थापक अध्यक्ष धयावयाच्वंगु खः।

उगु आधारय् नेपाल पत्रकार महासंघया संस्थापक अध्यक्षया कथं स्थापित यायेमाःगु माग यासे पत्रकार तय्त संगठित इतिहासय् पुनःलेखनयाये हथाय् जुइ धुकुगु दु धका पत्रकार दबू न छगु दशकनिसे निरन्तर अभियान सञ्चालन उाना वयाच्वनागु दु धका धयादीसे उगु सिरपाया स्थापना यानागु खः धका धयादीगु खः।

उगु लँपुइ महत्वपूर्ण योगदान यानादीगुलि पत्रकार चौधरीयात उगु सिरपा पाखे हनिइगु निर्णय जूगु अध्यक्ष श्रेष्ठं जानकारी बियादीगु दु। पत्रकार दबूया वरिष्ठ उपाध्यक्ष सुनील महर्जनया संयोजकत्वय् गठन जुगु सिरपा ल्यःया समितिं चौधरीया नां सिफारिश याःगु खः। समितिया उगु सिफारिशयात सचिवालय न अनुमोदन न याःगु दु।

पत्रकार चौधरीं २०७२ सालनिसे मदुम्ह श्रेष्ठया बारेय् मालां निरन्तर लेख, रचना च्वयाच्वपि व नेपाल पत्रकार महासंघया इतिहासयात पुनःलेखनया बारे सार्वजनिक बहस व विमर्शया विषय दय्केगुलि ग्वाहालि जुइगु जुगु दु। प्रेस काउन्सिल नेपालं २०७२ पुसय् प्रकाशित संहिताय् इतिहास बांड्डिएको दुःखेसो, प्रेस चौतारी नेपालं २०७३ सालय् प्रकाशित जूगु पत्रिकाय् नेपाली पत्रकारिताया बहस व यथार्थ, नेपाल आदिवासी जनजाति पत्रकार महासंघ (फोनिज) पाखे विसं २०८० भदौंय् महासंघया संस्थापक प्रकाशित सत्यनारायणबहादुर श्रेष्ठ याना चौधरीया च्वंसू प्रकाशित यानादीगु खः। चौधरीं थीथी सार्वजनिक बहसय् उगु अनुसन्धात्मक कार्यपत्र न्हयब्वयादीगु खः।

Categorized in राष्ट्रिय