तमु (गुरुङ) सञ्चारकर्मी सङ्घ, नेपालं खुम्ह संचाःकःमि तयत सिरपा बिःगु दु। सङ्घं छगु ज्याझ्वः दथुइ प्रधानसेनापति छत्रमानसिंह–कमला गुरुङ पत्रकारिता पुरस्कार हिरालाल गुरुङ (चितवन) व एमबी (मानबहादुर) आस्था मगर (कास्की) यात सिरपा बिःगु दु।

उगु सिरपा म्हति २० हजार १ रुपियाँ याःगु खः। अथेहे, तमु आदिकवि हर्कबहादुर गुरुङ स्मृति पत्रकारिता पुरस्कार रत्ना गुरुङ (स्याङ्जा), लक्ष्मी गुरुङ पत्रकारिता पुरस्कार कार्टुनिष्ट अनुप गुरुङ –येँ), भद्राकुमारी घले पत्रकारिता प्रोत्साहन पुरस्कार करिश्मा गुरुङ (तनहुँ) यात हनापौ नाप म्हतिं १० हजार १ रुपियाँ नगद लःल्हागु खः।

अथेतु तमु ल्होसार मूल आयोजक पत्रकारिता सिरपा विकास गुरुङ (तेह्रथुम) यात हनापौ नाप १२ हजार ५०१ रुपियाँ दु धका सिरपा ल्यःज्या कमितिया संयोजक अनिता गुरुङं धयादीगु खः। राष्ट्रिय सूचना आयोगया प्रमुख आयुक्त महेन्द्रमान गुरुङं उगु ज्याझ्वलय् सिरपा लःल्हागु खः।

सङ्घया अध्यक्ष लाला गुरुङया सभाध्यक्षताय् जुगु उगु ज्याझ्वलय् अनिता गुरुङ, सिरपा कयादीम्ह एमवी आस्था मगर, करिश्मा गुरुङ, अनुप गुरुङपिन्स न्ववानादीगु खः। उगु ज्याझ्वलय् गुरुङ न्युज डट कम नांया पत्रिका न लोकार्पण याःगु खः।

Categorized in राष्ट्रिय