काठमाडौं नेवाः किन्डरगार्टेन स्कुलं योमह्रि पुन्हिया लसताय् अभिभावकपिनि दथुइ योमह्रि दयेकेगु धेंधेंबल्लाः कासा याःगु दु ।

स्कुलया निर्देशक राजेन्द्र महर्जनया सभापतित्वय् जूगु उगु कासाय् यूकेजिइ ब्वनाच्वंपिं मस्तय् अभिभावकपिंसं ब्वति काःगु खः । कासाय् दिब्यान्स महर्जनया अभिभावक सरिता महर्जनं दयेकूगु योमहि उत्कृष्ट जूगु खः ।

कासा त्याकादीम्हेसित मूपाहां नेपालभाषा संकिपा ख्यःया नांजाःम्ह कलाकार आशाकाजी थकुं दसिपौ लःल्हानादीगु खः । कासा व यःमरियात कयाः मूपाहां आशाकाजी थकु, निर्देशक राजेन्द्र महर्जन व सिरपाः त्याकादीम्ह सरिता महर्जनं थःपिनि नुगःखँ तयादीगु खः ।

Categorized in राष्ट्रिय