नेवाः पत्रकार राष्ट्रिय दबू न म्हिगः शुक्रवाः सत्यनारायणबहादुर श्रेष्ठ प्रेस स्वतन्त्रता सेनानी सिरपा गोरखापत्रया वरिष्ठ पत्रकार लक्की चौधरीयात लःल्हागु दु। प्रेस काउन्सिलया अध्यक्ष बालकृष्ण बस्नेतं मदुम्ह श्रेष्ठया १०८ क्वःगु जन्मजयन्तीया लसताय् जूगु ज्याझ्वलय् चौधरीयात २५ हजार नगद नाप हनापौ लःहागु खः। उगु ज्याझ्वलय् पत्रकार दबूया ख्वापौ आज्जु न विमोचन जूगु खः।

पत्रकार चौधरीं २०७२ सालनिसे मदुम्ह श्रेष्ठया बारेय् च्वसू च्वयेगु नाप नेपाल पत्रकार महासंघया इतिहास न हाकन च्वये माः धका सार्वजनिक बहस व बिचाः तया वयाच्वंगुसल उगु ज्याया योगदानया आधारय् उगु सिरपा लःल्हायेगु निर्णय याःगु खः। प्रेस काउन्सिल नेपालं २०७२ पुसय् प्रकाशन याःगु संहिताय् इतिहास बांँङिगएको दुःखेसो, प्रेस चौतारी नेपालं २०७३ सालय् प्रकाशन याःगु पत्रिकाय् नेपाली पत्रकारिताको बहस र यथार्थ,नेपाल आदिवासी जनजाति पत्रकार महासंघ (फोनिज) य् विसं २०८० भदौंय् महासंघं प्रकाशन याःगु सत्यनारायणबहादुर श्रेष्ठ याना चौधरीया लेख प्रकाशित जुयावया च्वंगु खः।

चौधरीं थीथी सार्वजनिक बहसया अनुसन्धात्मक कार्यपत्र न्हयब्बयादीगु खः। नेवाः पत्रकार राष्ट्रिय दबू न मदुम्ह श्रेष्ठयात नेपाल पत्रकार महासंघया संस्थापक अध्यक्षया पहिचान बिइगु अभियान न्हयाकावया च्वंगु खः । उगु अभियानअन्तर्गत सत्यनारायणबहादुर श्रेष्ठ प्रेस स्वतन्त्रता सेनानी सिरपा थुगु दँनिसे न्हयाकूगु खः। नेपाल पत्रकार महासंघया संस्थापक अध्यक्षया कथं पत्रकार तय्थ संगठित यायेगु अभियानया सुरुवात २००८ सालय् नेपाल टुडेया सम्पादक श्रेष्ठं थःगु अध्यक्षताय् दकलय् न्हापां नेपाल पत्रकार संघया गठन याःगु खः। २००९ सालय् संघया निक्वःगु सभापाखे श्रेष्ठयात हानकं अध्यक्षय् ल्यःगु खः। २०१२ सालय् पत्रकार तयेगु मेगु बैठकं पूर्व प्रधानमन्त्री नापं नेपाली कांग्रेसया पूर्व सभापति वृmष्णप्रसाद भट्टराईया सभाध्यक्षताय् नेपाल पत्रकार संघ पुनर्गठन याःगु खः।

वयालिपा उगु हे तथ्यया कया न्हापां गठन जूगु व्याख्या याना भट्टराईयात नेपाल पत्रकार महासंघया संस्थापक माने याना वयाच्वंगु खः।

प्रेस काउन्सिल नेपालया अध्यक्ष बालकृष्ण बस्नेतं नेपाःमि तयेगु थःगु म्हसिकायात हुयाछ्यइपिनिगु बालाइ मखु धका धयादीसे सत्यनारायण बहादुर श्रेष्ठ नेपाल पत्रकार महासंघया संस्थापक अध्यक्ष हे खः, धइगु विषय निभाः त्वयाच्वंगु थे बालाक्क सिइदु। तर थःगु क्षेत्रया बारे झीसं पाय्छीगु खँयात हिइका च्वंगु दु । थःपिगिु हे खँ छिनोफानो याये मफया हे नेपाःया पत्रकारिताय् भलसा मयानाच्वंपिगिु गय् याना भलसा कायेगु धका न्हयसः तयादीगु खः। वयकलं श्रेष्ठयात पत्रकार महासंघया संस्थापक अध्यक्षय् स्थापित यायेत अझै न अध्ययन, अनुसन्धान यायेमाःसा प्रेस काउन्सिलं ग्वाहालि यायेगु जानकारी न बियादीगु खः।

उगु ज्याझवलय् पत्रकार दबुया अध्यक्ष नृपेन्द्रलाल श्रेष्ठं पत्रकार दबू न वंगु प्यदँ न्हयःनिसे श्रेष्ठयात संस्थापक अध्यक्ष खः धका थःपिन्स अभियान न्हयाका वयाच्वंनागु खः व थुगु पटक वयकः १०८ क्वःगु बुदिंया लसताय् सत्यनारायणबहादुर श्रेष्ठ स्मृति मिडिया कप फुटसल ११४४ व पत्रकारिता सिरपा स्थापना याना थुगु अभियानयात अझ बृहत् रुपं यकेत्यानागु खः धका जानकारी बियादीगु खः।

अथेतु, श्रेष्ठया म्ह्याय् नाप आदर्श विद्या मन्दिरया प्रिन्सिपल सुजिता मानन्धरं सत्यनारायण बहादुर श्रेष्ठ कर्म याइम्ह उकिया फल याःगु आशा मयाइम्ह व्यक्तित्व खः धका धयादीसे वयकलं धयादीगु दु, पत्रकारिता यायेगु झ्वलय् राजनीतिक वितृष्णा याना वयकलं शिक्षा क्षेत्रय् दुहावंगु खः व वयालिपा शिक्षा ख्यलय् हे थःगु ध्यान तःगु धका वयकलं धयादीगु खः। श्रेष्ठयात नेपालय् अग्रज शिक्षाविद्या कथं न कायेगु याइ।

उगु ज्याझ्वलय् पत्रकारिता सिरपापाखे सम्मानित जुयादीम्ह चौधरीं थुगु सम्मानलिपा  सत्यनारायण बहादुर श्रेष्ठयात संस्थापक अध्यक्षया कथं पहिचान बिइगु निति अभियान न्ह्याकेगु निति अझ अप्पो मालेगु ज्यायायेत थःत अझ जिम्मेवार वःगु दु व उकियात ताःलाका न्हयावनेगु बचं बियादीगु खः। वयकलं धयादीगु दु– सत्यनारायणबहादुर श्रेष्ठयात पत्रकार महासंघया संस्थापक अध्यक्षया कथं मान्यता बिकिइगुलि थःम्हेसिया मदिक्क च्वया न्हयावनेगु धका धयादीगु खः। अले जक वयकःयात न्याय जुइ।

पत्रकार दबूया बरिष्ठ उपाध्यक्ष सुनील महर्जन, महासचिव केके मानन्धर व सचिव नाप ज्याझ्वःया कजि राजु नापितं न श्रेष्ठयाबारे थःथःगु बिचाः तयेगु ज्या जुगु खः। उगु ज्याझ्वलय् सत्यनारायण बहादुर श्रेष्ठ स्मृति मिडिया कप फुटसल ११४४ कासाय् त्याःपि नेवाः पत्रकार राष्ट्रिय दबु, चितवन, उपविजेता नेवाः पत्रकार राष्ट्रिय दबु येँ व लियाल्यु जुइत ताःलापि नेवाः कलाकार टिमयात ट्रफी, पदक व दसिपौ न लःल्हागु खः।

अथेतु सत्यनारायण बहादुर श्रेष्ठ स्मृति मिडिया कप फुटसल ११४४ या संयोजक प्रजित शाक्य, नेवाः पत्रकार राष्ट्रिय दबुपाखे प्रकासित बुलेटिन आज्जुया प्रधान सम्पादक सुरजवीर वज्राचार्य व भिडियो÷फोटो संयोजन यानादीम्ह अनुप प्रधान व सत्यनारायण बहादुर श्रेष्ठ १०८ जन्मजयन्ती ज्याझ्वःया संयोजक राजु नापितयात न सुभाय् पौ लःल्हागु खः।

Categorized in राष्ट्रिय