न्यतभलु अजिमा (श्वेतकाली) या झिंनिदँ जात्राया झ्वलय् यलया कात्ति दबुलिइ प्याखं हुलाच्वँच्वं हे द्यः गणया प्याखंम्वःया भैरव जुयाः प्याखं हुलादीम्ह रामकाजी महर्जन मंत ।

वंगु विहिवाः अष्टमि कुन्हु यलया कात्ति दबुलिइ न्यतभलु अजिमाया प्याखं हुइकूगु खः । महर्जन हृदयाघात जूया मदुगु खः । वयां तुरुन्त लिपा वय्कःयात अस्पताल यंकूगु खःसा अन वय्कः मदुगु घोषणा जूगु खः । वय्कः ६२ दँ दुम्ह खः ।

मदुम्ह महर्जनया अन्तिम संस्कार म्हीगः यायेधुंकूगु दु । वय्कःया जहान लिसें काय छम्ह व म्ह्याय् प्यम्ह दी । वय्कः गुथिया थाकुलि मध्ये छम्ह खः । कात्ति दबुलिइ वकुन्हु हे प्याखं हुलाच्वंम्ह धर्म महर्जनयात नं तुतिइ ला थहां वनाः अस्पताल भर्ना यायेमाःगु खः ।

व्याघ्रिणी जुयाः प्याखं हुलीम्ह वय्कःया उसाँय् धाःसा आः बांलाना वःगु खँ धाःगु दु ।

Categorized in राष्ट्रिय