प्रधानमन्त्री पुष्पकमल दाहाल प्रचण्ड असंलग्न आन्दोलन (नाम) या १९ क्वःगु शिखर सम्मेलनय् ब्बति कायेगु निति युगान्डाय् वंगु दु।

वयकलं नेपाली प्रतिनिधिमण्डलया नेतृत्व यानादीसे थौ सुथय् कतार एअरलाइन्सया विमानं झायादीगु खः। सम्मेलन थ्व हे माघ ५ देखि ६ गते तक गणतन्त्र युगान्डाया राजधानी कम्पालाय् जुइ।

प्रधानमन्त्री नेतृत्वया प्रतिनिधिमण्डलय् वयकःया म्ह्याय् गङ्गा दाहाल, परराष्ट्रमन्त्री नारायणप्रकाश (एनपी) साउद, परराष्ट्र सचिव सेवा लम्साल व नेपाल सरकारया वरिष्ठ अधिकारीपि दुथ्यागु दु। 

Categorized in राष्ट्रिय