चालक दलया खुम्ह नाप ७४ म्ह च्वनावंगु छगः रुसी विमान युक्रेनया सीमानापं दुर्घटना जूगु दु। रुसी रक्षा मन्त्रालयया कथं इल्युशिन–७६ नांया सैन्य विमान युक्रेननापं बेलगोरोद प्रान्तया याबलोनोवो गामय् दुर्घटना जूगु खः।

दुर्घटना जूगु विमानय् च्वनावःपि दक्को ७४ म्हेसिगु ज्यान वंगु दु धका बीबीसीं धाःगु दु। रुसी अधिकारी तय्गु खँ कथं विमानय् ६५ युक्रेनी बन्दी, खुम्ह चालक दलनापं स्वम्ह एस्कर्ट (गार्ड) दुगु खः। उगु विमान युक्रेनं कुुतुकुगु धका द्धपः बिःगु दु।

खार्किभ सीमा क्षेत्रय् तैनाथ युक्रेनी सेनां विमानय् निगु क्षेप्यास्त्र प्रहार याःगु धका रुसी रक्षा मन्त्रालयं धाःगु दु। मन्त्रालयं उगु घटनायात ‘आतंकवादी ज्या’ धका धाःगु दु।

Categorized in अन्तर्राष्ट्रिय