२०८१ आषाढ ११, मंगलबार

इथियोपियां कफी निर्यात याना ५ सय ७१ मिलियन डलर दुकाल

लहनान्युज | पोहेलागा पारु ११४४, माघ १२ शुक्रवाः

इथियोपिया सरकारं कफी निर्यात याना खुल्लाया दुने ५ सय ७१ मिलियन डलर दुकागु दु। उगु ध्यवा धइगु नेपाःया ७६ अर्ब रुपैयाँ जुवनिइ।

वंगु जुलाई ८ तारिखनिसे शुरु जूगु चालु आर्थिक वर्ष २०२३÷२४ या निगुगु त्रैमासतक १ लाख १८ हजार टन कफी निर्यात याना इथियोपियाली कफी लिसे चिया प्राधिकरणं निर्यात याःगु धका चिनियाँ समाचार संस्था सिन्ह्वां धाःगु दु।

इथियोपियां मुख्ययाना साउदी अरेबिया, दक्षिण कोरिया, संयुक्त राज्य अमेरिका, जर्मनी, जापान व चीनय् कफी निर्यात याना वयाच्वंगु खः।

विश्व कफी बजारय् अनिश्चितता व कफी आयात याना वयाच्वंगु देशय् जुयाच्वंगु द्वन्द्वं याना चुनौती दु धका प्राधिकरणं धाःगु दु।

इथियोपियां वंगु आर्थिक वर्षय् निगु लाख ४० हजार टन कफी निकासीपाखे १ अर्ब ३ करोड डलर दुकाःगु खः। आः धासा निकासीइ म्हो जुगु खनेदु।

Categorized in अन्तर्राष्ट्रिय