२०८१ आषाढ ११, मंगलबार

अमेरिकाय् नाइट्रोजन ग्यास नतूकां मृत्युदण्ड बिलं

लहनान्युज | पोहेलागा पारु ११४४, माघ १२ शुक्रवाः

अमेरिकाया एलाबामा राज्यय् मनू स्यागू द्धपनय् छम्ह मनूयात नाइट्रोजन ग्यास नतूकां मृत्युदण्ड बिःगु दु।

५८ दँ दुम्ह केनेथ युजिन स्मिथयात सन् १९८९ य् एलिजाबेथ सेनेटयात स्यागू द्धपनय् दोषी जुगु खः।

हलिमयय् न्हापागु पटक नाइट्रोजन ग्याँस नतूकां मृत्युदण्ड बिःगु न्हापागु घटना जूगु दु धका बीबीसीं धाःगु दु।

सन् १९८८ या मार्चय् १ हजार डलर दइगु भलसाय् एलिजाबेथ सेनेटयात हत्या याःगु द्धपनय् स्मिथ व मेम्ह छम्ह दोषी ठहर जूगु खः।

लिपागु इलय् याःगु अपिल बुइवं वयात नाइट्रोजन ग्यास नतूकां मृत्युदण्ड बिःगु खः। स्मिथया वकिल तयेसं क्रूर व असामान्य सजाय धका धासे अमेरिकी सर्वोच्च अदालत व पुनरावेदन अदालतय् याःगु अपिल न अदालतं उगु अपिलयात अस्वीकार याःगु खः।

Categorized in अन्तर्राष्ट्रिय