२०८० फाल्गुण १२, शनिबार

एरिना सबालेन्कां अस्ट्रेलियन ओपन त्याकल

लहनान्युज | पोहेलागा तृतीया ११४४, माघ १४ आईतवाः

एरिना सबालेन्कां जेङ किनवेनयात बूका अस्ट्रेलियन ओपनया मिसा सिंगल्स उपाधिया रक्षा याःगु दु।

बेलारुसया सबालेन्कां चिनया जेङयात ६–३, ६–२ न बूका उपाधीया रक्षा याःगु खः। थ्व एरिनाया  निगुगु ग्रान्डस्लाम उपाधि खः। सन् २०१३ लिपा लगातार निक्वःतक उपाधि त्याकेगुलि निम्हम्ह कासामि जूगु दु। उगु इलय् बेलारुसया हे कासामि भिक्टोरिया अजारेन्कां लगातार निगु दँ (२०१२ व २०१३) ये उपाधि त्याकूगु खः।

थुगु कासाय् अजारेन्कायात सबालेन्कां बूकुगु खः। कासा त्याये धुका सबालेन्का न थुगु निगु वाः थःत तसकं ल्वमके मफइगु ई कथं जुगु दु धका धाःगु खः। जि थुगु पटक ट्रफी त्वाकेगु फइगु बिचाः हे मदु धका धयादीगु खः। सबालेन्कां सेमिफाइनलय् अमेरिकी कासामि कोको गाउपयात बूका थःगु बदला काःगु खः।

वंगु यूएस ओपन फाइनलया न्हापागु सेट त्याकां न सबालेन्का गाउफननापं पराजित जूगु खः। थुगु पटक धाःसा उपाधि दाबेदारी गाउफया सेमिफाइनलय् बूका व फाइनलय् चिनियाँ कासामियात तःपिक हे पराजित यासे त्याकूगु खः। जेङया थुगु करियरया हे न्हापागु ग्रान्डस्लाम फाइनल खः ।

Categorized in कासा