२०८१ आषाढ ११, मंगलबार

डब्लुडब्लूईया संस्थापक भिन्स म्याकमोहनपाखे राजिनामा

लहनान्युज | पोहेलागा तृतीया ११४४, माघ १४ आईतवाः

डब्लुडब्लूईया संस्थापक भिन्स म्याकमोहनयात यौन उत्पीडनया द्धपः वयेवं राजीनामा बिःगु दु। म्याकमोहनयात यौन उत्पीडन, मनू मिइगु व शारीरिक दुर्व्यवहारया त्रासदायक द्धपः वयेवं ड ब्लुडब्लूईया मूल कम्पनी टिकिओया कार्यकारी अध्यक्ष पदपाखे राजीनामा बिइमाःगु खः।

कुश्ती बेहेमोथ म्याकमोहनया मुख्यालय ज्या यानाच्वंम्ह पूर्व टिकिओ कर्मचारी जेनेल ग्रान्टं दायर याःगु मुद्दा लिपा थुगु घटना पिहावःगु खः। तर, म्याकमोहनं थःत वंगु द्धपः धासा अस्वीकार याःगु दु, म्याकमोहन उगु द्धपःया प्रतिरक्षाया लागि अदालत वनेत तयार दु धका धाःगु दु।

अय्न, छगु विज्ञप्ति जारी यासे म्याकमोहनं थाःगु राजीनामाया घोषणा याःगु दु। डब्लुडब्लुइ व टिकिओया असाधारण व्यवसायी व उगु बोर्ड सदस्यपि व शेयरधारकपि, साझेदारपि व घटकतय्त थुगु कम्पनियात विश्व नेता दयकेत ग्वाहालि यायेगुलि दक्को कर्मचारीतय्त व सुपर स्टारतय्त सम्मान यासे थःगु पदपाखे राजीनामा बिइगु निर्णय यानागु दु’ धका धाःगु दु।

कार्यकारी अध्यक्षता व टिकिओया बोर्ड अफ डाइरेक्टर पदपाखे बिःगु राजिनामा याकन हे लागु न जुइ।

Categorized in अन्तर्राष्ट्रिय