२०८१ आषाढ ११, मंगलबार

हलिमयय् दकलय् तग्वःगु लः जहाजया न्हापागु यात्रा शुरु

लहनान्युज | पोहेलागा चौथी ११४४, माघ १५ सोमवाः

हलिमयय् दकलय् तग्वःगु लः जहाजं थःगु न्हापागु यात्रा शुरु याःगु दु। अमेरिकाया फ्लोरिडाय् मियामीपाखे जहाजं न्ह्यय् न्हुया यात्रा शुरु याःगु दु धका बीबीसीं धाःगु दु।

रोयल क्यारिबियन समूहया स्वामित्वय् दुगु ३ सय ६५ मिटर ताहाकगु जहाजमा ७ हजार ६ सय यात्रुपि च्वनेफइ।

२ अर्ब अमेरिकी डलर लागतय् निर्माण जूगु उगु जहाज २० तल्ला याःगु खःसा न्ह्यय्गू स्विमिङ पुल, खुगु वाटरस्लाइड नापं पीगु स्वया अप्पो रेष्टुरेन्ट व बारया ब्यवस्था दु। वातावरणविद् तय्सं धाःसा तरल प्राकृतिक ग्यासपाखे न्ह्याइगु जहाजं हानिकारक मिथेन ग्यास फसय् चुहावट याइगु चेतावनी बिउगु दु।

मिथेन ग्यासं कार्वन डाइअक्साइडया तुलनाय् ८० गुणा स्वया अप्पो तापक्रम ज्वनइि । अथेहे पृथ्वीया अप्पोे तापक्रमयात नियन्त्रण याइगु मिथेन ग्यासया उत्सर्जन कटौती यायेमाःगु वातावरणविद् तयेगु धापू दु।

Categorized in अन्तर्राष्ट्रिय