२०८१ बैशाख १०, सोमबार

पशुपतिइ अवैधानिक संरचनात खाली याकेत निर्देशन

लहनान्युज | पोहेलागा सप्तमी ११४४, माघ १९ शुक्रवाः

संस्कृति, पर्यटन तथा नागरिक उड्डयन मन्त्री सुदन किरातीं पशुपति क्षेत्र विकास कोषया जग्गा अतिक्रमण यानाः दयेकातःगु अवैधानिक संरचनात खाली याकेत निर्देशन बियादीगु दु।

पशुपति क्षेत्र विकास कोषया सञ्चालक समितिया बैठकय् मन्त्री किराती उगु निर्देशन बियादीगु खः। मन्त्री किरातीं कोषया जग्गाय् हैकम जमे यानाः व्यावसायिक संरचना न्ह्याकाच्वंगु धासें तत्काल अवैधानिक संरचनात चीका छ्वयेगु लागिं कोषया पदाधिकारीतय्त निर्देशन बियादीगु खः।

मन्त्रीया निर्देशन लिपा बोर्डया बैठकं तुरुन्त हे अवैधानिक संरचनात चीका छ्वयेगु निर्णय याःगु दु।

गोठाटारस्थित पशुपति क्षेत्र विकास कोषया नामय् दुगु ५३४ रोपनी जग्गा मध्ये तनाच्वंगु २९ रोपनी जग्गा मालेत पूर्वसचिवस्तरीय उच्च समिति दयेकेगु जानकारी मन्त्री किरातीं बियादीगु दु।

अथे हे बोर्ड बैठकं पशुपति आर्यघाटया आरतीया विषयय् छानबिन यानाः निर्णय खारेज यायेत कोषया कोषाध्यक्ष नारायणप्रसाद सुवेदीया नेतृत्वय् न्याम्ह दुजः दुगु अध्ययन समिति नं नीस्वंगु दु।

Categorized in राष्ट्रिय