२०८० फाल्गुण १२, शनिबार

महर्जन कम्प्लेक्सय् ‘लुटपाट’

लहनान्युज | सिल्लाथ्व पारु ११४४, माघ २७ शनिवाः

न्हू सतकय् च्वंगु महर्जन कम्प्लेक्सय् नगर प्रहरीत दुहां वनाः अन तयातःगु लाकां पसः चीकेगु ज्या यागु दु। म्प्लेक्सया क्वय्या तल्लाय् तयातःगु लाकां पसः फुक्क घाराघुरु यानाः लुटे यायेगु शैलीं न्हून्हूगु लाकां फुक्क ज्वना वंगु दु।

नाप अन च्वंगु लाकां तयातःगु ¥याली व दराज नं फुक्कं यंकूगु खः। कम्प्लेक्सया क्वय्या तल्लाय् पसः मखु पार्किङ तयेमाः धासें नगर प्रहरीतय्सं लुटपाट यायेगु शैलीं पसःया सामान ल्ह्वना यंकूगु खः। तर महर्जन कम्प्लेक्सया नक्साय् धाःसा क्वय्या तल्लाय् बेसमेन्ट जक च्वयाः पार्किङ तयेगु धकाः उल्लेख मदुगु खँ सीदुगु दु।

महर्जन कम्प्लेक्सय् थ्व घटनाया भिडियो खिचे याः वःपिं मेयर बालेन साह समर्थक युट्यूबरतय्सं धाःसा अन हे उपस्थित दुपिं स्थानीय मनूतय्त वास्ता मयासे पिनें वयाच्वंपिं छम्ह निम्ह मनूतय्त मात्तुमालाः पसः चीकूगु ठीक जू धकाः न्ववानाः भिडियो खिचे याःगु खः।

वहे इलय् अन थ्यंम्ह अभियन्ता यादवलाल कायस्थं थम्हं नं युट्युबरतय्गु भिडियो खिचे यानाः छिमित थन सुनां छ्वया हःगु, छिपिं बालेनभक्तत मखु ला धकाः न्ह्यसः तयाः कायल यानादीगु खः।

Categorized in राष्ट्रिय