आईसीसी विश्वकप क्रिकेट लिग–२ अन्तर्गत स्वगूूगु कासाय् नेपालं नामिबियायात १६९ रनया लक्ष्य बिःगु दु। ३७.१ ओभरय् दक्को विकेट गुमेयाना नेपालं १६८ रन दयकूगु खः।

नेपाःया लागि आशिफ शेखं ५८ रन दयकूगु खः। कुशल मल्ल ३८, भीम शार्की २६, कुशल भुर्तेल १८ व करण केसीं १२ रन दयकूूगु खः। नेपाःया कप्तान रोहित पौडेल, अनिल साह व देव खनाल शून्य रनय् हे आउट जूगु खः।

नामिबियाया बर्नार्ड स्कोल्ज व निकोल लोफ्टि–इटनं प्यंगू प्यंगू, ज्याक ब्रेसल व जेराल्ड एरास्मसं छगु छगु विकेट काःगु खः। नामिबियाननाप जूगु न्हापागु कासाय् नेपाः प्यंगू विकेटं पराजित जूगु खः।

Categorized in कासा