बलिउड फिल्म ‘डन ३’ या निर्मातां मू अभिनेत्री घोषणा याःगु दु। फरहान अख्तर व एक्सेल इन्टरटेनमेन्टं सामाजिक सञ्जालय् भिडियो सेयरयासे थुकिया जानकारी बियादीगु खः।

अभिनेत्री कियारा आडवाणीयात ट्याग यासे छगु क्याप्सन च्वःगु दु, ‘डन युनिभर्सय् लसकुस दु कियारा आडवाणी।’ ‘डन’ फ्रेन्चाइजीया स्वगू संकिपा ‘डन ३’ य् शाहरुख खानया थासय् रणवीर सिंह डनया भूमिकाय् खने दइ।

निर्मातां उगु संकिपाय् प्रियंका चोपडाया सट्टा रणवीरया अपोजिटय् कियारा आडवाणीयार्त कास्ट यायेगु निर्णय जूगु दु। निर्देशकय् फरहान अख्तर जुइ।

भेराइटीनाप जूगु छगु अन्तर्वार्ताय् फरहानं ‘डन ३’ या बाखनय् थःम्हेसिया स्पष्ट दिशा मालागु धका धाःगु खः। स्वंगू ब्बयात कया फरहान व शाहरुख सहमताः मजुगुलि थुगु संकिपाय् रणवीर कास्ट याःगु खः।

Categorized in मनोरन्जन