अमेरिकाय् क्यान्सर जाँच यायेगु न्हुगु प्रविधिया परीक्षण शुरु
लहनान्युज | सिल्लाथ्व चतुर्दशी ११४४, फागुन ११ शुक्रवाः
![](https://www.lahananews.com/sites/default/files/cancer.jpg)
अमेरिकां क्यान्सर जाँच यायेगु स्क्रिनिङया लागि न्हुगु प्रविधिया परीक्षण शुरु याःगु दु। अमेरिकी नेशनल इन्स्टिच्युट अफ हेल्थ (एनआईएच) न क्यान्सर स्क्रिनिङया लागि उदीयमान प्रविधिया मूल्याङ्कन याइगु क्लिनिकल परीक्षण शुरु याःगु धका चिनियाँ समाचार संस्था सिन्ह्वां धाःगु दु।
क्यान्सर स्क्रिनिङ रिसर्च नेटवर्कं क्यान्सरया म्हसिका गुकथं यायगु धइगु अनुसन्धान याइ। उकियाना उपचार यायेगुलि याउसे च्वनिइ धका उल्लेख याःगु दु । बहु–क्यान्सर पत्ता लगे यायेगु परीक्षण थे जाःगु उदीयमान प्रविधिं क्यान्सरया जाँचय् ह्यूपा हयेफइगु व यक्को मनू तयेगु जीवन ताःहाकेगुलि ग्वाहालि भलसा एनआईएच न काःगु दु। एनसीआईया निर्देशक डब्ल्यू किम्रिन रथमेलं याउक बहु–क्यान्सर पत्ता लगे यायेगु अध्ययनया कथं पाइलट अध्ययन शुरु यायेगु धका धाःगु दु।
निवाः न्ह्यः रुसी राष्ट्रपति भ्लादिमिर पुटिनं थःगु देशय् अनुसन्धानकर्ता डाक्टर क्यान्सरविरुद्धया वासः पत्ता लगे यायेगु तालाकेगुलि ग्वाहालि जुइ धका धाःगु दु। उगु सूचं न क्यान्सर जाँच व वासः आविष्कारय् आशा यायेगु खबरय् उल्लेख याःगु दु।
Categorized in अन्तर्राष्ट्रिय