नेकपा एमाले न केन्द्रीय सदस्यपि सामाजिक सञ्जालय् सक्रिय जुइत निर्देशन बिःगु दु।

स्वन्हु तक न्ह्याःगु केन्द्रीय कमिटीया बैठकं केन्द्रीय सदस्यपि सामाजिक सञ्जालय् सक्रिय जुइमाःगु निर्णय याःगु खः। महासचिव शंकर पोखरेलं बैठकया निर्णय न्यकेगु झ्वलय् पार्टीविरुद्ध जुइगु नकारात्मक सूचंया खण्डन यायेत नेतापि सामाजिक सञ्जालय् सक्रिय जुइमागुलि निष्कर्ष न्यकूगु खः।

थथे सामाजिक सञ्जालय् नेतापिन्स च्वंगु विषयया मूल्यांकन याइगु जूगु दु। उकिया लागिु प्रचार विभागं अभिलेख तयेगु निर्णय बैठकं याःगु दु। थ्व बाहेक एमाले न संगठनात्मक सुधार, संसद व सडकय् पार्टीया भूमिका लगायतबारे न निर्णय याःगु दु। सदस्यता वितरण व शुद्धीकरणबारे अभियान न्ह्याकेगु, पार्टी स्कूलयात स्थायी दयकेगु व इलय् हे दक्को जिल्ला अधिवेशन क्वचाय्केगु न एमालें निर्णय याःगु दु।

जनपरिचालनया खाका हयेगु जिम्मा उपमहासचिव प्रदीप ज्ञवालीयात बिःगु दु। बैठकं वइगु वैशाख १० गते यलया गोदावरीइ कम्युनिष्ट पार्टी स्थापनाय् हरिक महोत्सव हनेगु निर्णय याःगु दु।

Categorized in राजनीति