साहित्यकार तिलक प्रकाश निगु सफू पितब्बज्या जूगु दु ।वयकःया आत्मकथा ‘मेरो कथा, मेरो व्यथा’ व ‘तिलक प्रकाशका कृतिहरूका भूमिका’ थीथी कृतिइ भूमिका दुथ्यागु सफू छगु ज्याझ्वः दथुइ पूर्व सभामुख दमननाथ ढुङ्गाना व नेपाल प्रज्ञा प्रतिष्ठानया उपकुलपति विमल निभा न बिमोचन यानादीगु खः।

पूर्व सभामुख ढुङ्गानां नेपाःया राजनीतिक ख्यलय् तिलक प्रकाशया भूमिका महत्त्वपूर्ण दु धका धयादीसे वयकः राजनीतिक रूपं निष्ठावान मनू खः, छलकपटया राजनीति मसया लिउने लागु धका धयादीगु खः। साहित्यिक कर्मय् धासा तिलक प्रकाशया छवि तसकं च्वय् लाः धका धयादीगु खः।

नेपाल प्रज्ञा प्रतिष्ठानया उपकुलपति नाप साहित्यकार विमल निभा न तिलक प्रकाशया साहित्य च्वयेगु शैली तसक बाःला जू धका धयादीगु खः। वयकलं तिलक प्रकाशयात राजनीतिं स्वया साहित्यं तसकं म्हसिइका बिगु दु धका धयादीसे वयकःया न्हुगु कृतिया नापं वीर ग्रन्थ नांया सफूपाखे थः तसकं प्रभावित जूयागु दु धका धयादीगु खः।

८९ दँ दुम्ह साहित्यकार तिलक प्रकाशया च्यागू सफू नेपाल भाषा व च्यागू सफू खस भाषाया थीथी सफू प्रकाशन जुइ धुकुगु दु।

Categorized in राष्ट्रिय