लोकतान्त्रिक समाजवादी पार्टी (लोसपा) या वरिष्ठ नेता राजेन्द्र महतो न पार्टी त्वःतूगु दु। महतो न आदिवासी जनजाति तयेगु अधिकारया लागि वकालत यानाच्वंम्ह बुद्धछिरिङ मोक्ताननाप मिले जूया ‘राष्ट्रिय मुक्ति क्रान्ति’ नामय् अभियान न्ह्याकेगु घोषणा याःगु दु।

उगु अभियानपाखे वैकल्पिक शक्ति निर्माण यायेगु धासे वयकलं बहुल राष्ट्रिय राज्य स्थापनाया एजेण्डाय् सहमत जुल धासा थः पूर्व पार्टी लोसपापाखे उखे वयेफू धका धाःगु खः। ‘थ्व अभियान खः, थुकिइ पार्टीया रुप ग्रहण यागु मदुनि’ सोमवाः येँ जूगु छगु ज्याझ्वलय् महतो धाःगु दु, ‘थ्व नाप विचाः मिले जूगु न्ह्याम्हं जुइफू।’

लोपपाया वरिष्ठ नेता तक जुयादीम्ह महतो असन्तुष्ट खने दु। अध्यक्ष महन्थ ठाकुरं याःगु पदाधिकारी मनोनयनप्रति असन्तुष्ट जुइवं मंसिरय् जूगु केन्द्रीय समिति तक बहिस्कार याःगु खः।

Categorized in राजनीति