२०८१ आषाढ ५, बुधबार

नेपालं नामिबियायात ३ रनं बूकल

लहनान्युज | सिल्लागा षष्ठी ११४४, फागुन १८ शुक्रवाः

त्रिकोणात्मक टी–२०आई सिरिजय् नेपालं नामिबियायात रोमाञ्चक कथं त्याकूगु दु। त्रिवि क्रिकेट मैदान किपूलि जुगु कासाय् नामिबियायात ३ रनं बूकां फाइनलय् वनिइगु संभावना कायम जूगु दु। १८१ रनया लक्ष्य ज्वना वःगु नामिबियां निर्धारित २० ओभरय् ७ विकेटय् १७७ रन जक दयकेफुगु खः।

नामिबियायात लिपागु ओभरय् त्याकेगु लागि १२ रन माःगुलि करण केसीं याःगु बलिङय् ८ रन जक काय् फुगु खः। त्रिवि क्रिकेट मैदानय् टस बूया न्हापां ब्याटिङयाःगु नेपालं कुशल मल्लया अर्धशतक ग्वहालिं २० ओभरय् ८ विकेटय् १८० रन दयकूगु खः।

नेपाःया लागि कुशल मल्लं ५५ रन नट आउट जूया म्हितूगु खः। ७.२ ओभरय् ४ विकेट गुमे याना ६४ रन दयका दबाबय् लानाच्वंगु नेपाः कुशल व आरिफ शेखं न्यागू विकेटया लागि ८५ रन याःगु साझेदारी याःगु खः।

आरिफ ३१ रनय् ओपनर साह २३ रन, गुल्शन झा व्यक्तिगत २६ रनय्, दीपेन्द्र सिंह ऐरी १६ रन, कप्तान रोहित पौडेल १० रन व ओपनर आसिफ शेख १ रनय् आउट जूगु खः।

Categorized in कासा