२०८१ आषाढ ५, बुधबार

नेपाः त्रिकोणात्मक टी–२० आई सिरिजया फाइनलय्

लहनान्युज | सिल्लागा षष्ठी ११४४, फागुन १८ शुक्रवाः

नेदरल्याण्डसयात खुगु विकेटं बूकां नेपाः त्रिकोणात्मक टी–२० आई सिरिजया फाइनलय् थ्यःगु दु।

आः नामिबिया व नेदरल्यान्ड्समध्ये छगु टीम फाइनलय् वनिइगु जुगु दु। कन्ह्यः नेदरल्यान्ड्स व नामिबिया दथुइ जुइगु कासा लिपा फाइनल सू वनिइगु धइगु सिइदइ।

सिरिजया छगु कासा ल्यःदनिइगु इलय् नेदरल्यान्ड्स स्वगू कासाय् निगु त्यागु दु सा छगु कास बूगु दु। कासाय् ४ अंक नापं शीर्षस्थानय् दु। नेदरल्यान्ड्सया नेटरनरेट ०.३१० दु। नेपाः प्यगू कासाये निगु कासा त्यागु दु सा निगु कासाय् मुक्क ४ अंक दु। नेपाःया नेटरनरेट ०.२९३ दु।

नामिविया स्वगू कासाय् छगु त्यागु दु निगु बूगु दु। कासाय् २ अंक दु सा नेटरनरेट माइनस ०.७०० दु। थौ शनिवाः किपूया मैदानय् नेदरल्याण्डसं बिगु रनया लक्ष्य नेपालं १५.२ ओभरय् ४ विकेटय् पूरा याःगु खः। नेपाःया लागि कप्तान रोहित पौडेलं ४६, गुल्सन झा ३८, कुशल भुर्तेलं १२ व आसिफ शेखं ८ रन दयकूगु खः।

टस त्याका न्हापां ब्याटिङ याःगु नेदरल्याण्ड्सं १९. ३ ओभरय् झीगु विकेटय् १२० रन दयकूगु खः। नेदरल्याण्ड्सया म्याक्स ओडाउडं दकलय् अप्पो ३१ रन, भान डर गुगटेन व रोलेफ भान डर मर्वेे २३÷२३ व स्कट एडवार्ड्सं १८ रन दयकूगु खः। नेपाःया लागि प्रतिश जिसीं स्वंगू, करण केसी व कुशल मल्लपिन्स निगु निगु व दीपेन्द्रसिंह ऐरीं छगू विकेट काःगु खः।

Categorized in कासा