राष्ट्रिय सभाया अध्यक्ष गणेशप्रसाद तिमिल्सिनानापं नीम्ह सांसदतयेगु पदावधि थौ क्वचाइगु जुगु दु। नीम्ह मध्ये १९ म्ह सदस्य वंगु माघ ११ निर्वाचनपाखे ल्यय् धुकुगु दु सा छम्ह मन्त्रिपरिषदया सिफारिसय् राष्ट्रपतिपाखे नियुक्त याइगु जुगु दु।

थौ हे कार्यकाल क्वचाःपिन्त विदाइ व न्हुपि निर्वाचित सदस्यतयेत लसकुस याइगु जुगु दु। २०७४ सालय् राष्ट्रिय सभा सदस्य निर्वाचित जूपि खुदँया कार्यकाल पूरा याःपि नेकपा एमालेया गुम्ह सदस्यपि दु। राष्ट्रिय सभा अध्यक्ष गणेशप्रसाद तिमिल्सिना, दीपा गुरुङ, इन्दु कडरिया, दीलकुमारी रावल (पार्वती), कुमार दसौंदी, नरपति लुवार, भैरवकुमार श्रेष्ठ व रामचन्द्र राई खः।

अथेहे एमालेया हे कोटाय् राष्ट्रपतिपाखे मनोनित विमला राई पौड्यालया कार्यकाल न थौ हे क्वचाःगु दु। नेपाली कांग्रेसपाखे प्यम्ह सांसदपि रमेशजंग रायमाझी, अनिता देवकोटा, जितेन्द्रनारायण देव व प्रकाश पन्थ न राष्ट्रिय सभापाखे बिदा जुगु दु सा माओवादी केन्द्रपाखे विना पोखरेल, हरिराम चौधरी व महेशकुमार महरा विदा जुगु दु।

अथेतु, नेकपा एकीकृत समाजवादीया नन्दा चापाई, सिंगबहादुर विश्वकर्मा, खिमलाल देवकोटा व जसपाया प्रमिला कुमारी न राष्ट्रिय सभा सदस्यपाखे विदा जूगु दु।

Categorized in राजनीति