प्रधानमन्त्री पुष्पकमल दाहाल प्रचण्डं मन्त्रिपरिषद पुनर्गठन याःगु दु। बहालवाला दक्को मन्त्री बर्खास्त याना दक्को मन्त्रालयया जिम्मा थम्हेसिया हे कागु दु।

सोमवाः सुथय् नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी व जनता समाजवादी पार्टी दथुइ सत्ता सहकार्य यायेगु सहमति जुइवं प्रधानमन्त्रीें बहालवाला दक्को मन्त्रीयात बर्खास्त याःगु खः। न्हुगु समीकरणय् दुथ्याःगु दलपिनिगु सहमतिइ प्यम्हेसिगु मन्त्रिपरिषद दयकूगु दु।

नेकपा एमालेया पदम गिरी, थःगु दल नेकपा माओवादी केन्द्रया हितबहादुर तामाङ व राष्ट्रिय स्वतन्त्र पार्टीया डीपी अर्यालयात मन्त्री नियुक्त याःगु दु। स्वम्हं मन्त्रीयात थौ हे राष्ट्रपति रामचन्द्र पौडेलं पद व गोपनीयताया शपथ बिःगु दु। मन्त्रालय धाःसा लिपा जक क्वछिइगु जुगु दु धका राष्ट्रपति कार्यालयं छ्वया हःगु विज्ञप्ति उल्लेख याःगु दु।

Categorized in राष्ट्रिय