नेपाल घरेलु मैदानय् टी–२० आई त्रिदेशीय सिरिजया उपाधि त्याकेत असफल जूगु दु।

त्रिवि क्रिकेट मैदानय् जूगु फाइनलय् नेपाल नेदरल्याण्ड्सनाप प्यंगू विकेटं पराजित जूगु खः। १८५ रनया लक्ष्य ज्वना वःगु नेदरल्याण्ड्सं स्वंगु बल ल्यःदगु इलय् पूरा याःगु खः।

नेदरल्याण्ड्सया माइकल लेभिटं अर्धशतक पूरा याःगु खः। लेभिटं २९ बलय् ६ चौका व ३ छक्काया ग्वहालिं ५४ रन दयकूगु खः। स्याब्रान्ड एंगेलब्रेक्ट ४८ व म्याक्स ओडाउड २३ रन दयकूगु खः।

कुशल मल्लं प्यंगू ४ विकेट काःगु खः। त्रिवि क्रिकेट मैदान किपूलि टस त्याका न्हापां ब्याटिङ याःगु नेपालय् २० ओभरय् च्यागू विकेटय् १८४ रन दयकूगु खः।

Categorized in कासा