पशुपतिइ द्यः दर्शनयायेत सुथंनिसे हुल जुयाच्वन
लहनान्युज | सिल्लागा त्रयोदशी ११४४, फागुन २५ शुक्रवाः
शिलाचःह्रे कुन्हु पशुपतिइ द्यः दर्शन थौ चान्ह्यःनिसे वनाच्वंगु दु। पशुपतिइ थौ सुथय् २ बजेनिसे लुँखा चायकूगु दु।
सुथय् २ बजेनिसे आःतक करिब १ लाख स्वया अप्पो भक्तजनपिन्स द्यः दर्शन याये धुकुगु दु। पशुपतिइ थौ प्यंगु हे लुँखा २ बजेनिसे चायकूगु खः।
छकल झिम्ह तक द्यः दर्शन यायेत छ्वया च्वंगु दु धका पशुपति क्षेत्र विकास कोषं धाःगु दु। दुगु दँय् २० लाख भक्तजनपिन्स द्यःया दर्शन याइगु अनुमान पशुपति क्षेत्र विकास कोषं यानातःगु दु।
Categorized in राष्ट्रिय