जनता समाजवादी पार्टी (जसपा)या अध्यक्ष उपेन्द्र यादवं उपप्रधानमन्त्री लिसे स्वास्थ्यमन्त्रीया शपथ ग्रहण याःगु दु।

थ्व नापं हे प्रचण्ड नेतृत्वया वर्तमान सरकारय् प्यम्ह उपप्रधानमन्त्री जुगु दु। थ्व स्वया न्ह्यः मन्त्रिपरिषदय् उपप्रधानमन्त्री लिसे परराष्ट्रमन्त्री नारायणकाजी श्रेष्ठ, उपप्रधानमन्त्री लिसे भौतिक पूर्वाधार नाप यातायातमन्त्री रघुविर महासेठ व उपप्रधानमन्त्री लिसे गृहमन्त्री रवि लामिछानेपि खः।

अथेहे जसपापाखे सरकारय् यादव व नवलकिशोर साह न मन्त्री जुगु दु। साहं वन लिसे वातावरण मन्त्रीया शपथ ग्रहण याःगु खः।

थौ छगु ज्याझ्वः दथुइ राष्ट्रपति रामचन्द्र पौडेलं शितल निवासय् पद व गोपनीयताया शपथ ग्रहण याकूगु खः।

Categorized in राष्ट्रिय