ओस्कार अवार्डय् ‘ओपेनहाइमर’ या वर्चस्व

लहनान्युज | चिल्लाथ्व पारु ११४४, फागुन २८ सोमवाः

थुगु दँया ९६ गु ओस्कार अवार्डय् ‘ओपेनहाइमर’ या वर्चस्व खनेदुगु दु। आणविक बमया आविष्कारक भौतिकशास्त्री रोबर्ट जे ओपेइनहाइमरया थ्व बायोपिक फिल्मं न्ह्यय्गु विधाय् त्याकस्गु दु।

थुगु संकिपा न सर्वश्रेष्ठ फिल्म, निर्देशक, अभिनेता, सहायक अभिनेता, सम्पादन, छायांकन, बेस्ट स्कोरया अवार्ड त्याकूगु खः। क्रिस्टोफर नोलन उत्कृष्ट निर्देशक व किलियन मर्फी न अभिनेता विधाय् त्याकूगु खः।

रोबर्ट डाउने जुनियरं न्हापागु ओस्कारया कथं सहायक अभिनेताया अवार्ड त्याकूगु दु। ‘ओपेनहाइमर’ १३ विधाय् मनोनयन जूगु दु।

थथे दु सर्वश्रेष्ठ धलः

फिल्म– ओपेनहाइमर

निर्देशक– क्रिस्टोफर नोलन (ओपेनहाइमर)

अभिनेता– किलियन मर्फी (ओपेनहाइमर)

अभिनेत्री– एम्मा स्टोन (पुअर थिंग्स)

सहायक अभिनेता– रोबर्ट डाउने जुनियर (ओपेनहाइमर)

सहायक अभिनेत्री– द–भाइन जोय रान्डोल्फ (द होल्डओभर्स)

एडप्टेड स्क्रिनप्ले– अमेरिकन फिक्सन

ओर्जिनल स्क्रिनप्ले– एनाटोमी अफ अ फल

छायांकन– ओपेनहाइमर

ओर्जिनल सङ– बिली एलिस (बार्बी)