नागरिक उन्मुक्ति पार्टी (नाउपा) या अध्यक्ष रञ्जिता श्रेष्ठं सःतूगु केन्द्रीय कार्यसमितिया बैठक स्थगित जुगु दु। सुदूरपश्चिम प्रदेश सरकारय् ब्बति काउगु विषय असन्तुष्टि जुइवं श्रेष्ठं सोमवाः न्हिनय् १ बजे कैलालीया टीकापुरय् केन्द्रीय कार्यसमिति बैठक सःतूगु खः।

तर स्वास्थ्यय् समस्या वउगुलि मेगु सूचं मवतले बैठक स्थगित जूगु दु धका छम्ह केन्द्रीय सदस्य जानकारी बिःगु दु। ५३ म्ह सदस्यीय प्रदेशसभाय् मुख्यमन्त्रीया दल कांग्रेसया १८ व नााउपाया न्ह्यय्म्ह दु।

राप्रपा व स्वतन्त्र छम्ह छम्ह सांसदपिनिगु समर्थन काय्फत धाःसा शाह नेतृत्वया सरकारं बहुमत खाकेफइगु खनेदु। नागरिक उन्मुक्ति पार्टीया समर्थन दुगुलि स्वतन्त्र सांसद डा. ताराप्रसाद जोशी सरकारय् वनेत तयार जुगु दु सा, राप्रपा धाःसा निर्णय याउगु मदुनि।

Categorized in राष्ट्रिय