राष्ट्रिय सभाया अध्यक्षय् नारायण दाहाल निर्वाचित जूगु दु। थौ मंगलवाः राष्ट्रिय सभाय् जुगु मतदानय् दाहालया पक्षय् ३९ व विपक्षय् १७ मत वःगु खः।

मतदानय् ५६ म्ह सांसद पिनिगु उपस्थित दुगु खः। राष्ट्रिय सभाय् आः दुगु ल्याखं बहुमत दुगु उल्लेख यासे सभाध्यक्ष उर्मिला अर्यालं दाहालयात राष्ट्रिय सभाया अध्यक्षय् निर्वाचित जूगु धका घोषणा याःगु खः।

दाहाल सत्तारुढ दलपाखे उम्मेदवार जुगु खः। दाहालयात नेकपा एमाले, नेकपा माओवादी केन्द्र, नेकपा एकीकृत समाजवादी व जनता समाजवादी पार्टीया समर्थन दुगु खः।

Categorized in राष्ट्रिय