२०८१ जेठ १२, शनिबार

काठमाडौं सुनचाँदी व्यवसायी संघया अध्यक्षय् रोहिना देवि शाक्य

नृपेन्द्रलाल श्रेष्ठ | चिल्लाथ्व अष्टमी ११४४, चैत्र ४ आईतवाः

काठमाडौं सुनचाँदी व्यवसायी संघया अध्यक्षय् रोहिना देवि शाक्य निर्विरोध निर्वाचित जूगु दु। म्हिगः शनिवाः जुगु २१ क्वःगु साधारण सभा व न्ह्यय्क्वःगु अबिधेशनं शाक्ययात शाक्य निर्विरोध निर्वाचित याःगु खः।

सुनचाँदी व्यवसायी संघया इतिहासय रोहिना देवि शाक्य दकलय् न्हापाम्ह मिसा अध्यक्ष जुगु दु । अध्यक्षय् शाक्यया नेतृत्वय् २२ म्हेसिगु न्हुगु कार्यसमिति ल्यःज्या जुगु दु। उगु ज्यासना पुचलय् स्वम्ह उपाध्यक्षय् उपेन्द्रकाजी शाक्य, मुक्तिरत्न बज्राचार्य व दशरत्न बज्राचार्य निर्वाचित जुगु दु।

अथेहे, सचिवय् लेखरत्न शाक्य, कोषाध्यक्षय् रमेशमान शाक्य, सह–सचिवय् अभिषेक शाक्य, सह–कोषाध्यक्षय् पद्मेश शाक्य निर्वाचित जुगु दु। दुजलय् सूूर्यरत्न बज्राचार्य, सुरेन्द्रकाजी शाक्य, सुजेन शाक्य, निकेशरत्न शाक्य, मनिष शाक्य, उजिना शाक्य, मोहिनी शाक्य, सञ्जयरत्न शाक्य निर्वाचित जुगु दु।

अथेतु, माणिकरत्न बज्राचार्य, रविन्द्र शाक्य, कबिर चन्द्र शाक्य, सन्दीप शाक्य व मिसा दुजलय् अरुणा श्रेष्ठ निर्वाचित जुगु दु। निर्वाचित जूपिन्त नेपाल सुनचाँदी व्यवसायी महासंघया अध्यक्ष माणिकरत्न शाक्यं स्वामां क्वखाय्कां भिंतुना बिःगु खः।

ज्याझ्वःया उलेज्या मूपाहाँ युवा लिसे खेलकुद मन्त्री विराजभक्त श्रेष्ठं यानादीगु खः।

Categorized in राष्ट्रिय