रत्नकीर्ति महाविहार अध्ययन मण्डल, मखंया ग्वसालय् लच्छिया छक्वः जुयाच्वंगु अनुसन्धान नाप सूचनामूलक कार्यशाला ज्याझ्वलय् संस्कृतिविद जीतेन्द्र विलास बज्राचार्यं वर्तमान इलय् सी गुथिया औचित्य, समस्या व समाधान विषययात कार्यपत्र न्ह्यब्बःगु खः।

संस्कृतिविद बज्राचार्यं संक्षिप्त कार्यपत्र न्ह्योब्वयगु झ्वलय् गुथिया प्रकार व उकिंया ज्याखँय् राष्ट्रिय गुथि, धार्मिक गुृथि, सांस्कृतिक गुथि व सामाजिक गुथिया खँ विशेषतायात थःगु कार्यपत्र न्ह्यब्बःगु खः।

संस्कृतिविद बज्राचार्यं झीसं ई कथं सी गुथियात परिमार्जन याना न्ह्याः वनेमाःगु खँय् बः बियादीगु खः। रविन्द्र बज्राचार्यया सभाध्यक्षताय् जुगु उग ज्याझ्वलय् अनार रत्न बज्राचार्यं टिप्पणी यानादीगु खः।

ज्याझ्वः रमिता बज्राचार्यं न्ह्याकादीगु खःसा रत्नकीर्ति महाविहारया छ्याञ्जे सागर मान बज्राचार्यं सी गुथिया बारे थःगु खँ तयादीगु खः।

Categorized in राष्ट्रिय