२०८१ जेठ १२, शनिबार

नेविसंघं गृहमन्त्रीया राजिनामा फ्वन

लहनान्युज | चिल्लाथ्व दशमी ११४४, चैत्र ६ मंगलवाः

उपप्रधान लिसे गृहमन्त्री रवि लामिछानेयात पदं चिइकेमाः धका मागयासे नेपाल विद्यार्थी संघ (नेविसंघ)य् आबद्ध विद्यार्थीपिन्स थौ मंगलवाः सिंहदरबारपिने प्रदर्शन याःगु दु।

सहकारी ठगी प्रकरणय् नां दुथ्यानाच्वम्ह लामिछानेयात मन्त्रीपाखे चिइकेमाः धका माग ज्वना प्रदर्शन याःगु खः। प्रदर्शन यायेगु झ्वलय् उमिसं सिंहदरबार पिने पखालय् ‘सहकारीपीडितपिन्त न्याय ग्वः?’, ‘नैतिकता ग्वः?, ‘अर्थमन्त्री सुनमन्त्री’ लगायत नारा च्वया पोस्टर टिकूगु खः।

पोस्टर टिकूलि प्रहरीं हस्तक्षेप याना छु भचा विद्यार्थीपिन्त नियन्त्रणय् काःगु खः। उमिसं ‘गृहमन्त्रीं राजीनामा बिउ’, ‘सहकारीपीडिततय्त न्याय बिउ’, लगायत नारा थ्वयेकूगु खः। सहकारीया ध्यवा हिनामिना प्रकरणय् स्वाम्ह लामिछानेविरुद्ध नेपाली कांग्रेसं सदनय् व भातृसंगठनं सतकय् बिरोध याःगु खः।

Categorized in राष्ट्रिय