२०८१ जेठ १२, शनिबार

मन्त्रिपरिषदय् दलिततय्गु प्रतिनिधित्व याकन हे जुइ, प्रधानमन्त्री प्रचण्ड

लहनान्युज | चिल्लाथ्व दशमी ११४४, चैत्र ६ मंगलवाः

प्रधानमन्त्री पुष्पकमल दाहाल प्रचण्डं मन्त्रिपरिषदय् दलिततय्गु प्रतिनिधित्व याकेगु प्रतिबद्धता याकेगु दु धका धयादीगु दु।

मंगलवाः प्रतिनिधि सभाया बैठकय् प्रधानमन्त्रीनाप न्ह्यसः लिसः ज्याझ्वलय् ब्बति कायेगु झ्वलय् नेकपा एमालेया सांसद छविलाल विश्वकर्मां मन्त्रिपरिषद् छाय् समावेशी मयानागु खः धका न्ह्यसः तःगु खः।

उकिया लिसः बिइगु झ्वलय् प्रधानमन्त्री प्रचण्डं धाःगु दु, ‘आः जिमिगु क्याबिनेटय् दलितपिनिगु प्रतिनिधित्व जुइगुलि जिं प्रष्ट याये चाहे जु।’ संविधानतः संघीय सरकारय् २५ म्ह मन्त्री जुइफइ।

आःतक २१ गु मन्त्रालयय् दु। आः २२ सदस्यीय मन्त्रिपरिषदय् स्वम्ह राज्यमन्त्री नियुक्त यायेफइ।

Categorized in राष्ट्रिय