२०८१ जेठ १२, शनिबार

छालाजुत्ताया जग्गा कानुन बमोजिम कयागु खः, विनोद चौधरी

लहनान्युज | चिल्लाथ्व द्धादशी ११४४, चैत्र ८ बिहीवाः

बाँसबारी छालाजुत्ता जग्गा प्रकरणय् उद्योगी विनोद चौधरीं इन्कारी बयान बिःगु दु।चौधरी बाँसबारी छालाजुत्ताया सरकारी जग्गा कानुन बमोजिम हे आःयागु सीजी चाँदबाग रेसिडेन्सीया नामय् वःगु दु धका बयान बिःगु दु धका जिल्ला सरकारी वकिल कार्यालयया स्रोतं धाःगु दु।

नेपाल प्रहरीया केन्द्रीय अनुसन्धान ब्यूरो न बाँसबारी छालाजुत्ताया जग्गा प्रकरणय् अनुसन्धानया लागि चौधरीयात बिहीवाः जिल्ला सरकारी वकिल कार्यालयय् सःतूगु खः। चौधरी थौ सुथय् ८ निसे ११ बजे तक रामशाहपथया जिल्ला सरकारी वकिल कार्यालयय् बयान बिउगु खः।

बयानया झ्वलय् चौधरीयात जग्गा लित कायेगु झ्वलय् मुद्दा न्ह्यानेगु मखु धका धाःगु खः। तर चौधरीं धाःसा थःगुपाखे छु न गल्ती मजुगु धका धासे कानुन बमोजिम माने यायेत तयार दु धका धाःगु स्रोतं न्ह्यथःगु दु।

Categorized in राष्ट्रिय