२०८१ जेठ १२, शनिबार

पञ्जाव किंग्सया विजयी सुरुवात

क्षितिज श्रेष्ठ | चिल्लाथ्व त्रयोदशी ११४४, चैत्र १० शनिवाः

इन्डियन प्रिमियर लिग (आईपीएल) या निगुगु कासाय् पञ्जाव किंग्स प्यंगु विकेटं विजयी जूगु दु।

टस त्याका न्हापां ब्याटिङ याःगु दिल्लीं बिःगु १७५ रनया लक्ष्य पञ्जावं १९.२ ओभरय् खुगु विकेटय् पूरा याःगु खः।

लक्ष्य पूरा यायेगु झ्वलय् पञ्जाबया साम करनं ६३, लियाम स्टेफेन लिभिङस्टोनं ३८, प्रभसिमरन सिंहं २६ व कप्तान शिखर धवनं २२ रनया योगदान याःगु खः। दिल्लीया कुलदीप यादव व खलील अहमदपिन्स निगु निगु व इशान्त शर्मा न छगु विकेट काःगु खः।

व स्वया न्ह्यः ब्याटिङ याःगु दिल्लीं पूरा २० ओभरय् ९ विकेटया क्षतिइ १७४ रन दयकूगु खः। डेभिड वार्नरं २९, मिचेल मर्शं २०, शाइ होपं ३३, रिषभ पन्तं १८, अक्षर पटेलं २१ व अबिशेक पोरेलं ३२ रन दयकूगु खः।

पञ्जाब किंसया हर्षल पटेल व अर्शदीप सिंहपिन्स निगु निगु, राहुल चाहर, हरप्रीत ब्रार व कागिसो रबाडापिन्स छगु छगु विकेट काःगु खः।

Categorized in कासा